Plan Ullensvang

Kommuneplan for Ullensvang herad 2011 – 2022

Kent Geirmund Håkull — Sat, 14 Apr 2012 10:41:48 +0000

Generelt

Omtale

HERADSSTYRET HAR I MØTE DEN 26.09.2011 GJORT SLIKT VEDTAK I SAK HST-073/11:

Heradsstyret vedtek kommuneplan, Samfunnsdel og Arealdel for Ullensvang herad 2011 – 2022 datert 01.07.11, revidert 21.09.11, jamfør plan- og bygningslova § 11-15 med dei endringar som er vist i vedlegg.

Dokument

Kommuneplan

Temakart

Delkart

Kommunal planstrategi 2012 – 2016

Kent Geirmund Håkull — Sat, 14 Apr 2012 10:39:19 +0000

Planstrategi er eit nytt verktøy, jamfør Plan- og bygningslova §10, der alle kommunar skal vurdera kommunen sitt planbehov og prioritetar i valperioden.

Planstrategi for Ullensvang herad 2012 – 2016

Tanken bak dette verktøyet er å betre samarbeida og koordinera planlegginga i kvar enkelt kommune med nabo-kommunar, fylkeskommunen og regjeringa.

Nasjonale forventningar til regional og kommunal planlegging

Innspel til kommunane frå Hordaland fylkeskommune

Privat detaljregulering for Aga Steinbrot

Kent Geirmund Håkull — Fri, 13 Apr 2012 14:21:44 +0000

Plan- og ressursutvalet i heradet hadde spørsmål om oppstart av privat planarbeid oppe til handsaming i sak 011/12 den 28.02.2012 og gjorde samrøystes slikt vedtak:

Plan- og ressursutvalet vedtek oppstart av privat reguleringsplanarbeid for gnr. 64, bnr. 6/20 Aga Steinbrot, jamfør plan- og byningsloven §12-8.

Eventuelle merknadar og innspel til planarbeidet kan sendast innan 25.05.2012 til Ing. Egil Ulvund A/S, 5627 Jondal. Alle mottekne merknadar, innspel, dokument o. l. vil fylgja planframlegget når det vert oversendt Ullensvang herad for handsaming og vedtak.

Vidare informasjon kan ein få ved å venda seg til:
Planleggjar: Ing. Egil Ulvund AS, tlf. 53668604 / 91682072. E-post: eulvund@online.no Forslagsstillar: v/ Einar Kråkevik, tlf. 90534863. E-post: einarkraakevik@hotmail.com

Framlegg til planprogram Markastå, Sekse

Kent Geirmund Håkull — Fri, 13 Apr 2012 13:12:25 +0000

Ullensvang plan- og ressursutval har i møte den 27.03.2012 gjort følgjande vedtak, PRU-020/12:

Plan- og ressursutvalet vedtek oppstart av reguleringsplanarbeid for etablering av bustadfelt Markastå på Sekse, jamfør plan- og bygningslova § 4-1.

I samsvar med plan- og bygningslova § 4-1 vert de varsla om at me no, som ledd i varsling av planoppstart, sender framlegg til planprogram som grunnlag for planarbeidet på høyring og ut til offentleg ettersyn. Varslinga er i høve til etablering av nytt bustadfelt på Markastå, Sekse.

Vedlagt sakspapir informerer meir om vedtaket, og vedlagt framlegg til planprogram viser blant anna det aktuelle planområdet, framdriftsplan, og føremålet med konsekvensutgreiinga.

Me ønskjer å samarbeide med alle involverte partar i området som del av fastesetting av planprogram, samt i det vidare reguleringsplanarbeidet. Spørsmål om planprosessen kan rettast til Kent Geirmund Håkull, planleggjar, på tlf. 53671516.

DET VERT EIT INFORMASJONSMØTE TYSDAG 17. APRIL PÅ GRENDAHUSET GRANNATUN PÅ SEKSE, KLOKKA 18:00.

Informasjonsmøte presentasjon.pdf

Innspel til planarbeidet skal rettast skriftleg til: Ullensvang herad, merkast ”Planarbeid Sekse”, Heradshuset, 5780 Kinsarvik.

Eller send brevet på e-post til: postmottak@ullensvang.herad.no, innan 14. mai 2012.

Reguleringsplan Kalhagen

Kent Geirmund Håkull — Fri, 13 Apr 2012 13:09:09 +0000

Ullensvang plan- og ressursutval har i møte den 27.03.2012 gjort følgjande vedtak, PRU-019/12:

Med heimel i plan- og bygningslova § 12-10 vedtek plan- og ressursutvalet i Ullensvang herad å leggja revidert framlegg for reguleringsplan for bustadfelt Kalhagen på høyring og til offentleg ettersyn, jf. plan- og bygningslova § 12-3.

Merknader/innspel til planen må sendast skriftleg innan 14.05.2012 til :

Ullensvang herad
Kinsarvik
merkast: Reguleringsplan Kalhagen
5780 Kinsarvik

Eller send brevet på e-post postmottak@ullensvang.herad.no

Spørsmål omreguleringsplan kan rettast til Kent Geirmund Håkull/ John Ove Rørnes, på tlf. 53671516 /53671589.

Planar til offentleg høyring og ettersyn

Kent Geirmund Håkull — Fri, 13 Apr 2012 13:04:13 +0000

Planar er til høyring før dei vert endeleg vedtatt, for å sikre innsyn og medverknad til eit best mogleg resultat for all partar.
Planar er til ettersyn etter at det er gjort endeleg vedtak. I perioden med ettersyn er det mogleg å klaga på vedtaket.

Planar til høyring

Bustadpolitisk handlingsplan 2013-2017.pdf

Heradet legg no Bustadpolitisk haldingsplan 2013-2017 ut til høyring. Handlingsplanen for bustadpolitikken i heradet reflekterer dagens fokus på bustad som sentralt element i samfunnsutviklinga. Planen gir eit aktuelt og oppdatert kunnskapsgrunnlag for ein aktiv bustadpolitikk lokalt. Til sist i planen vert det skildra kva handlingar heradet skal gjennomføra i perioden. Bustadpolitikken er lojal til den overordna kommuneplanen.

Fristen for å kome med innspel er satt til 1. april 2013.

Planar til ettersyn

Det er for tida ingen planar til ettersyn.

Planregister

Kent Geirmund Håkull — Fri, 13 Apr 2012 12:58:30 +0000

Ullensvang herad ønskjer å laga eit planregister som syner alle reguleringsplanar og tema- og kommunedelplanar i heradet. Dette registeret skal framstillast ved hjelp av eit kartverktøy.

Som ledd i arbeidet presenterar me no eit enkelt register, som syner gjeldande reguleringsplanar i høve til det året dei vart vedtekne.

(Klikk på bilete for å laste ned eit interaktivt pdf dokument, der har du direkte tilgang til eit stort tal planar.)

Konsekvensutgreiing RV 13 i Ullensvang

Kent Geirmund Håkull — Wed, 11 Apr 2012 21:02:51 +0000

Utbetring av riksveg 13 er viktig for Ullensvang si utvikling. Med planar klare, no er det løyvingar og prioritering som ventar.