Ullensvang dekkjer eit areal på 1392,7 km2. Det meste av dette er høgfjell, og heile 83% av heradet ligg over 900 moh. Sørfjorden og Hardangerfjorden deler heradet i tre, noko som gjev store avstandar internt, når sjøvegen ikkje lenger er den mest brukte. Ullensvang har eit spreitt busetnadsmønster med mange grender, og ikkje noko tungt kommunesenter. Nærmaste handlesenter er Odda eller Voss, næraste storby er Bergen, 120 km vestover. Per 1.1.2010 hadde Ullensvang 3.382 innbyggjarar.