Det vart ein svært aktiv helg med ute- og inneaktivitetar og alle var med på hausttakkefest i Utne kyrkje på sundagen.

Tema for helga var ”Guds nærhet til oss. Guds nærhet til alle menneske, spesielt borna. Guds omsorg for kvar enkelt”.

Mange born møtte på Hauso skule på laurdagen og alle fekk vera med  på aktivitetar  - ballaktivitetar, kunstmaling, ansiktsmaling og bibelorientering.

For fleire bilete sjå under "bilete".

22. og 23.oktober var born i  2 .- 4.klasse i Ullensvang og Kinsarvik sokn invitert til kulturhelg.

Det vart ein svært aktiv laurdag med ute- og inneaktivitetar og fin hausttakkefest i Ullensvang kyrkje på sundagen.

Tema for helga var ”Guds nærhet til oss. Guds nærhet til alle menneske, spesielt borna. Guds omsorg for kvar enkelt”.

Det møtte 22 born på Opedal skule på laurdagen og alle fekk ta del i ulike aktivitetar.  Borna vart delt opp i fleire grupper som fekk vere med på ballaktivitetar, kunstmaling, ansiktsmaling og bibelorientering.

Jannike  Stave er tilsett som barne- og ungdomsarbeidar i kyrkja i Ullensvang. Ho er tilsett i 80 % stilling og skal arbeide for alle 3 sokna i heradet.

Jannike er busett i Odda og har kontorplass på kyrkjekontoret i Kinsarvik.  Ho er allereie godt i gang med å planleggje to aktivitetshelger som vert halde i haust, ei på kvar side av fjorden, og  4-åringar i Kinsarvik sokn er invitert til kyrkja for å bil kjent med kvarandre og kyrkja før bokutdelinga.

Elise Sæle og Jannike Stave samarbeider om leiarkurs for dei som vart konfirmert i vår.  Desse kursa vart sett i gang av Elise i fjor, og mange meldte seg på nytt kurs i år. Kurset inneheld både teori og praksis, ungdomane vil vere med som medleiarar på ulike aktivitetar med born.

Fyrste samling har vore og 8 ungdomar frå Ullensvang og Kinsarvik sokn er med på kurset.

Folkemusikkmessa har no vore arrangert i alle kyrkjene i Ullensvang og på Djønno skule. Den er ikkje tenkt som fast musikk til høgmesse, men som variasjon.                   

Mange lokale musikarar både profesjonelle og amatørar -  barn, ungdom og vaksne tok del med musikk i messene.

Det er vorte ei flott messe med folkemusikk med rot i Hardanger komponert av Rannveig Djønne.

 For fleire bilete, sjå under "bilete".

Biskop Halvor Nordhaug har vore på bispevisitas i Hardanger. Det er 13 år sidan sist bispevisitas, då var det biskop Ole D. Hagesæter som vitja Hardanger.

Det har vore ei travel og innhaldsrik veke med besøk i Eidfjord, Jondal og Ullensvang.

Biskopen har hatt møte med tilsette, sokneråd, fellesråd og kommuneleiinga i dei tre kommunane.

Han har også  hatt spørjetime på Kinsarvik skule og møte med lærarane i Ullensvang.

Det har vore invitert til aftansong i Utne og Kinsarvik kyrkje. Her var det ulike musikkinnslag med kora og lokale musikarar.  Fredag fekk biskopen vere med på konsert med Benedickte Maruseth i Eidfjord.

Sundag var det visitasgudsteneste og Folkemusikkmesse i Ullensvang kyrkje.  Folkemusikkmessa er sett saman  av Inger Elisabeth Aarvik og Rannveig Djønne. Og det var urframføring av musikken til messa.

Det vart ei flott avslutning  på bispevisitasen og Rannveig Djønne sin nykomponerte musikk gav ramme om gudstenesta.  

Mange møtte opp og tok del i gudstenesta og fekk med seg visitasforedraget av Biskop Halvor Nordhaug

I visitasforedraget ynskte biskopen at Folkemusikkmessa vart ein tradisjon i Hardanger. Biskopen la spesielt vekt på arbeidet med barn og unge, og korarbeidet for borna.

Han utfordra sokna til å  prioritere ungdom, ta vare på dei frivillige medarbeidarane og å lage ei god ordning for gjevartenesta.

Mange musikarar tok del i Folkemusikkmessa:

Hardingfele: Knut Hamre, Trond Steine, Aurora Aarhus Opheim, Eirin Tjoflot. Fløyte: Silje Hveem. Flygelhorn: Torbjørn Dagestad Orgel og piano: Inger Elisabeth Aarvik. Orgel: Anne Karin Stormyr.

Kor: Chorus 80, Ullensvang jentekor, guttekor og ungdomskor.

Etter gudstenesta var alle invitert til Hardanger Folkehøgskule til kyrkjemiddag. Det var ordføraren i Ullensvang som leia samlinga på vegne av dei tre kommunane.

FOR FLEIERE BILETE, SJÅ UNDER "BILETE".

To helger har sokneråda arrangert  Tårnagenthelg med 8-åringar i Ullensvang og Utne kyrkjer. 

Det var til saman 24 born som var med på samlingane.

Inngangspassordet var ”Leit og finn”. Alle fekk kvart sitt agentnummer og agentkort. Me hadde inngangslabyrint med ulike postar og besøk av politiet (Njål Hope og Harald Storli) som fortalde oss om fingeravtrykk og detektivarbeid.

Ungane vart delt inn i grupper, og leita rundt i kyrkja etter symbol som kan fortelle oss noko det om å tru på Gud. Til å hjelpe seg hadde dei luper, lommelykt, pennar, notisblokker og fotoapparat.

Me var òg oppe i kyrkjetårnet og såg på kyrkjeklokkene.

Me fekk prøve å ringe i dei og – litt forsiktig.

Fleire bilete finn du her.

Onsdag 14. desember var barnehagane i Ullensvang invitert til å koma på teater på Hardangertun. 

Det var kyrkja som inviterte og Trude Brekke (lærar i Eidfjord) og Bjørn Tore Sæle var skodespelarar, der kvar av dei hadde fleire rollar.  Elise Sæle var husmusa i teaterstykket og har laga alle dei flotte rekvisittane.

Kva handlar jola om?  Bjørn Tore fortale joleevangeliet og Elise tende adventsljos og  ”Tenn ljos” vart songen av alle,  før borna drog til Betlehem og vertshuset. 

Keisar Augustus skulle skriva manntal og Maria og Josef måtte reisa til Betlehem.

Det var ikkje mykje plass i herberget hjå Marta og Jakob, for der var det fullt av gjester frå barnehagane i Ullensvang.