Som del av budsjettet for 2012 har heradsstyret i møte den 19.12.2011 vedteke å auka følgjande gebyr og betalingssatsar med verknad frå 1. januar 2012 (1. august for SFO):

- Gebyr for vatn / vassavgifter, med heimel i Lov om kommunale vass- og kloakkavgifter og tilhøyrande statlege og lokale forskrifter.
* Eingongsgebyr ved tilknyting vassverk, auka med knapt 40% til kr 12 500.
* Abonnementsgebyr for vatn auka med 40% til kr 1 760,- per år.
* Forbruksgebyr for vatn auka med 40% til kr 8,20 per m3.
Mva kjem i tillegg.

- Skulefritidsordning (SFO) frå 01.08.2012:
Auke med om lag 5,0% til kr 1 450 per månad for fullt tilbod, tilsvarande prosentvis auke for satsane for redusert tilbod.
- Musikk- og kulturskulen:
Satsane vert auka med om lag 3,3% i høve 2011; ulike satsar.

- Omsorgstenesta:
Enkelte satsar er endra. Bl.a. er kjøp av middag ved sjukeheimane auka frå kr 60,- til kr 62,-; kjøp av alle måltida auka frå kr 2 800,- til kr 2 900,- per månad. Der staten gjennom forskrift har fastsett maksimalsatsar, vert desse nytta.

- Husleiger i kommunale bustader vert auka med 1,4%.

- Avfallsgebyr / renovasjonsavgift auka med om lag 3,5%, litt varierande for dei ulike gebyrklassane.