Referat frå bygdebokseminaret 24. mars

admin — Thu, 12 Jan 2012 07:23:18 +0000

Fjord og fjell, frukt og flaum
– forteljinga om Ullensvang 1950-2014
Laurdag 24. mars 2012 arrangerte Bygdeboknemnda sitt tredje seminar saman med Hardanger folkemuseum. Denne gongen sette me søkjeljos på heradet – kva er viktig å fortelja om tida frå 1950-åra og fram til 2000-talet me lever i? Og korleis bør forteljinga om Ullensvang formast og formidlast?
Her finn de programmet og eit referat frå seminaret.
Program
Referat

Nye bygdebøker

admin — Fri, 16 Sep 2011 08:07:36 +0000

Arbeidet med nye bygdebøker for Ullensvang starta opp hausten 2009. Olav Kolltveit har tidlegare skrive bygdebøker som dekker tida fram til 1960-åra, men det har skjedd mykje i Ullensvang sidan då. Det er difor med glede me kan meddela at heradet har vedteke at det skal skrivast to nye band med gards- og ættesoge og eit band med allmennsoge.

For å leia arbeidet er det nedsett ei boknemnd. Medlemene i nemnda er Otto Vikane (leiar), Erlend Trones (skrivar), Kåre Grønsnes, Kjellaug Holm, Jan Inge Næss, Helga Opedal, Inger Sekse, Sjur Sekse, Per Frode Bu (1. vara), Sjur Reinsnos (2. vara) og Odlaug Måge (3. vara). Vidare er Marta Gjernes tilsett som forfattar og Nils Olav Østrem som redaktør. Dei skal bruka fire år på arbeidet. Dessutan er det oppretta eit nettverk av grendekontaktar rundt om i heile Ullensvang som skal hjelpa til med innsamling av opplysningar. Bøkene vil verta ferdige i løpet av 2013-2015.

Bygdebøkene

Referat frå bygdebokseminaret 24. mars

Nye bygdebøker